2022 жылдың 24 – мамыры күні «Балалар жылы» аясында жасөспірімдердің салауатты өмір салтын қалыптастыру мақсатында аудандық «Әшім ата» мешітінің демеушілігімен мектебіміздің 5-7- сынып оқушылары арасында «Кіші футбол» спорттық жарысы болып өтті. Жарыстың ашылу рәсімінде «Әшім ата» мешітінің бас имамы Қобыланды Қажы спортшыларға ақжарма лебізін білдіріп, ойыншыларға сәттілік тіледі.
Тартысты өткен жарыста жүлделі І орынды 7-сынып, ІІ орынды 6- сынып, ІІІ орынды 5- cынып оқушылары қанжығасына байлады. Жарыс жеңімпаздары мадақтама қағаздарымен және ақшалай сыйлықтармен марапатталды. Аталған іс- шараның өткізілуіне мұрындық болып, демеушілік көрсеткен Ақ ниетті ағаларымызға алғысымызды білдіреміз. Жастарымыздың салихалы азамат болып өсуіне өз үлестерін қосатын Ер азаматтарымыз көп болсын!